උතුරු කොරියාවේ එදිනෙදා ජීවිතය

උතුරු කොරියාව කියන්නෙ ජාත්‍යන්තර මාධ්‍ය වල නිරතුරුවම කතා බහට ලක්වෙන ආන්දෝලනාත්මක රටක්.

ඇමෙරිකාවට සහ දකුණු කොරියාවට යුද්ධයකට යාම සඳහා අභියෝග කරන න්‍යෂ්ටික අවි වලින් සන්නද්ධ කිම් ජොං උන්ගේ කොමියුනිස්ට්වාදී කොරියාවේ එදිනෙදා ජන ජීවිතය දෙස මදක් විමසා බලමු.

ඡායාරූප එකින් එක විස්තර කර ඇත.

මේ ඡායාරූප සියල්ල Eric Lafforgue ඡායාරූප ශිල්පියා විසින් විසින් ගන්නා ලද නීති විරෝධී ඡායාරූප වේ. ඔහු 6 වතාවක් උතුරු කොරියාවේ සංචාරය කර ඇති අතර මේ ඡායාරූප ප්‍රසිද්ධ කිරීම නිසා ඔහුට උතුරු කොරියාවට ඇතුල්වීම බලධාරීන් විසින් තහනම් කර ඇත.

උතුරු කොරියාව ගැන තවත් ලිපි ඉදිරියේදී බලාපොරොත්තු වන්න.

-මලිත්

මහා මාර්ගයක් අසල විවේක සුවයෙන් පසුවන සොල්දාදුවෙක්.

හමුදා සෙබලුන් සියලු ආකාර සේවා සඳ්හා යොදා ගැනේ.

ගම්බද ගං ඉවුරක ස්නානයේ යෙදෙන පුද්ගලයෙක්

පියොංයැං උමං දුම්රිය පද්ධතිය ලොව ගැඹුරින්ම පිහිටි දුම්රිය මාර්ග වලින් සමන්විතය. ඒ හදිසි අවස්ථාවක බෝම්බ වලින් ආරක්ෂා වීමට බංකර් ලෙස භාවිතයට ගැනීමට හැකිවන පරිදිය.

කාපට් අතුරා නැති පාරක ගමන් කරන කුඩා ළමුන් දෙදෙනෙක්

වගාබිම් වල වැඩ කරන ළමා ශ්‍රමිකයන්

නීති විරෝධී වුවද සමහරු සිගරට්, ලොසින්ජර ආදිය විකුණා අමතර මුදලක් උපයාගනී.

කිම්ජොංගිලියා උත්සවයට සහභාගි වීමට පැමිණි දහස් සංඛ්‍යාත ජනතාව නගරයේ ස්මාරක වෙත පෙළගැසී යන ආකාරය

පෞද්ගලික රථ වාහන විරල අධිවේගී මාර්ග. කුඩා දරුවන් මහ මග කෙලි දෙලෙන් ගැවසෙයි

ගම්බද නිවසක්. නිවැසියන් නළ ලිඳක් ආධාරයෙන් නාන බේසමට වතුර පුරවා ගනියි.

නගරාන්තර පොදු ප්‍රවාහන පද්ධතිය ඉතා දුර්වලයි. හමුදා නිලධාරීන් ලිෆ්ට් එකක් බලාපොරොත්තුවෙන් අධිවේගී මාර්ගය අසල රැඳී සිටීම සුලබ දසුනක්

පියොංයැං හි සුපිටි වෙලැඳසැල් 2ක් ඇති අතර සියලු ආකාර වල බඩු බාහිරාදිය මෙහිඩී ලබාගත හැක. කොරියානු වොං, යුආන් සහ යුරෝ වලින් ගනුදෙනු කල හැක. නමුත් මේ වෙළඳසැල් වලින් බඩු ගැනීමට හැකියාව ඇත්තේ උසස් පැලැන්තියට (elites) පමණි.